Болашақ бүгіннен басталады ЭКСПО2017

Болашақ бүгіннен басталады:

ЭКСПО-2017

Ұлт Көшбасшысы

Н.Назарбаев халыққа арнаған Жол­да­уында: «ЭКСПО-2017» – көрмесін өткізу –

Қазақстанның бүкіл әлем  алдындағы  үлкен жауапкершілігі мен зор

міндетін көр­се­теді. 5 жылдың ішінде  көрме  орталығын  қалыптастырып,

жа­ңа жүру жолдары, келген қонақтар тұрақтайтын қонақ үйлер тұр­ғызып, көлікпен

қамту кешенін  міндетімізге алып, жер жүзінен жет­кен қонақтарды 

қарсы алуда даярлық жұмыстарын қолға алуы­мыз керек», –  дегенді басты

негізге алған болатын.

          Озық идеялы жастардың  басын

қосып, оны жүзеге асырудың бір дәлелі – «ЭКСПО -2017» болып отыр.

«ЭКСПО» жастарға не береді?

         Біріншіден, 3 ай бойы

Елордамызға келетін 5 миллионға жуық шетелдіктердің  тілін тауып, жол

бастауда жастардың септігі тиері сөзсіз. Бұл тұрғыда шет тілін меңгерген немесе

жетік меңгеруге талпынған  әрбір жастың  білім көкжиегін көркейтуде

үлкен мектеп болады.

        Екіншіден,  еліміз ұсынған  және

шетелдік компаниялар жариялаған   жарқын жобалардың арқасында ел жастары

«Болашақ энергиясына» ар­наған ілкімді жобаларын ұсына отырып, оны шетелмен

байланысты жү­зеге асыруда еңбектене алады.  Шетелдік  зерттеу орталықтарынан

іс-тәжірибеден өтуге мүмкіндік алады. 

       Үшіншіден,  көрме туризм,

экология, экономика саласына терең мән беретіндіктен, елімізде осы салаларда

қызмет атқаруға құштар жастар көбейеді,  жас  ғалымдар қатары

артады.  Бизнес дамиды. Гранттар саны, тегін оқуға деген мүмкіндікдің

артуы ғажап емес.

         Кереметі сол – ЭЫҰ

(экономикалық  ынтымақтастық  ұйымы)  бас­шылығымен әлемнің озық

технологиясын жарнамалайтын брендтік жо­балар, жаңа технологиялық құралдар,

ғылыми жобаларға негіз болған мә­дени жаңалықтар, күнделікті жабдықтардың

үлгілері бәрі-бәрі үш ай бойы қазақстандықтардың назарынан тыс қалмайды. Үлкен

көрменің керемет жаңалықтарына негіз болған үздік үлгілердің түрлері 

біздің елде жүзеге асып, жұрт болып тамашаға бірге тамсанатын боламыз. 

         Қазақ жастары бүкіләлемдік көрмеде 

тың идеяларымен бөліседі. «Болашақ» бағдарламасымен шетелде білім алу біздің ай­қын

мақсатымыз болса,  шетелдік жастар енді Қазақстанға жол тар­татын 

болады. Ұлттық мәдениетімізді ұлықтап оны көрменің төрінде  шет тілінде

паш етеміз. Дамыған инновациялы, заманауи елдердің озық тә­жірибелі

жастарымен  тегін тәжірибе алмасатын күн таяу. Елбасы жастарға үміт артты.

Бас болып, жас болып  еңбек қылып, көрмеде ке­меңгерлік танытайық!  

Болашақ – бүгіннен басталады. 

         Білімді ұрпақ – ертеңгі ел

тірегі. Тәуелсіз жас мемлекетіміздің болашағы біздің қолымызда. Аға буын жоқтан

бар жасап осы күнге жеткізді. Ендігі міндет білім нәрімен сусынданып келе

жатқан мына біздің қолымызда.     Алға

қойған мақсаттарым үшін еңбек етсем, сол мақсаттарым болашақта елім үшін, мен

үшін еңбек ететін болады. Мен оған сенімдімін. Маған және Отаныма еңбек ететін

мақсатты дұрыс таңдағаныма сенімдімін! Барлық мамандық иелері мемлекетке өз үлестерін қосады. Мен де елімнің өсіп,

өркендеуіне өз үлесімді қосып, жаңа мүмкіндіктерге жол ашсам деп ойлаймын. Мен өз ата-бабамның

дәстүрін сақтай отырып қазіргі заманғы нарықтық экономика жағдайында жұмыс

істеуге дайын боламын. Өз елімнің патриоты және Қазақстанның одан сайын

гүлденуіне өз үлесімді қосамын. Бұл әлемде ең бастысы біздің қай жерде

тұрғанымыз емес, қандай бағытта жылжып келе жатқанымыз. Болашағылыздың кемелді

болуы біздің қолымызда, ал мен болашақта елімді көркейтуге нық сенімдімін.

          Абай атамның «...білім-ғылымның өзіне ғана құмар, ынтық болып, бір ғана

білмектің өзін дәулет білсең, һәм әр білмегеніңді білген уақытта көңілде бір

рахат хұзур хасил болады. Сол рахат білгеніңді берік ұстап, білмегеніңді тағы

да сондай білсем екен деп үміттенген құмар, махаббат пайда болады.» отыз екінші

қара сөзімен аяқтай келе, ғылым-білімді үйренуден еш жалықпайық. Алған

білімімізді ел игілігіне жаратайық дегім келеді.

Армавир орта метебі

10 сынып оқушысы

Амренов Адильхан

Қазақ тілі мен әдебиеті пәні

мұғалімі Байнабекова К.Е.